Bi astez Baztan, Malerreka eta Xaretako jubilotekak ixtea erabaki dute

Koronabirusa dela eta, hartu dute erabakia. Hala, Arizkunen, Elizondon, Erratzun, Zubietan, Urdazubin, Donezteben, Ezkurran eta Sunbillan ez dute jubiloteka zerbitzurik izanen bi astez. Bortzirietan, gaur, Lesakan normaltasunez eskainiko dute zerbitzua baina bihar Bortzirietako Gizarte Zerbitzuek erabakiko dute Beran eta Lesakan eskaintzen duten zerbitzuarekin segitu ala ez. Arano, Goizueta, Leitza eta Areson, ordea, oraingoz ez dute neurririk hartu.