Hamabost egun iraunen ditu bigarren Euskaraldiak; azaroaren 20an hasi eta abenduaren 4an bukatuko baita. Aurreneko edizioaren ildotik, ahobizi eta belarriprest rolak izango ditu ardatz, herritarrek rol bat edo beste hartu ahal izango dute, baina bada berritasun bat: ariketa taldean egiteko modua. Arigune kontzeptua da nobedadea: euskaraz eroso aritzeko espazioak dira. Entitateen barruan egon litezke (langile taldeetan) edo kanpoan (herritarrei eskaintzen zaizkien zerbitzuetan).
Euskaraldia
Euskaraldiaren Nafarroako aurkezpen ekitaldia larunbatean eginen dute Iruñean
2020ko amaieran eginen dute bigarren Euskaraldia, bi astez, baina dagoeneko hasiak dira aurkezpen ekitaldiekin. Iruñeko Zentral Aretoan, azaroaren 23an, 11:00etatik aurrera xehetuko dituzte bigarren edizioaren nondik norakoak. Petti beratarrak parte hartuko du ekitaldian baita Ibil Bedi eta Demode Quartet taldeek ere. Bigarren edizio honetan, belarriprest eta ahobizi rolak ez ezik, ariguneak izanen dira ardatz: entitateei eragin nahi diete.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun