Joan den ortzegunean, urriak 3, Iruñeko Terminal ostatuan egin zen II. Bertsokabi-Eugenio Arraiza Sariketaren lehenbiziko kanporaketa. Xabat Illarregi eta Aitor Irastortza nagusitu ziren eta hala, urriaren 24an jokatuko den finalerako txartela eskuratu dute. Aste honetan, urriak 10, jokatuko dena bigarren kanporaketa izanen da. 19:00etan Iruñeko Nabarreria kalean dagoen Zabaldi Elkartasunaren Etxean egin dute hitzordua eta hantxe ariko dira sei bertsolariak. Saioko bikote irabazleak finalera sailkatzea lortuko du.
Sariketako hirugarren eta azken kanporaketa urriaren 17an eginen da.