Juanenea eta Endika saldiastarrek, ordea, galdu egin zuten bertze finalaurrekoan
Erremonteko Sagardoaren txapelketako finalaurrekoetan gozotik eta gazitik dastatu behar izan zuten eskualdeko erremontelariek osatutako bikoteek. Lehenbiziko finalaurrekoan, Larre Gain sagardotegiaren izenean aritu dire Aritz Juanenea eta Endika Urrutia saldiastarrek 34-40 galdu zuten Urriza eta Garcesen kontra (Gurutzeta). Bigarrenean, ordea, Xanti Uterga doneztebarrak eta Aritz Zubiri goizuetarrak (Altzueta), 40-33 irabazi zieten Segurola eta Barrenetxea IV.ari (Oialume Zar).
Lehenbiziko finalerdian, hasieran aitzinetik ibili ziren saldiastarrak (6-12, 9-16 eta 21-27), Endikaren nagusitasunari esker. Baina hor lasaitu zen Garces eta Urriza jokoan sartzen hasi zen eta bigarren zatian agindu zuen.
Bigarren finalaurrekoan Zubiri goizuetarra nabarmendu zen. Uterga bere mailan aritu zen, ongi, Barrenetxea bezalaxe. Segurola ez zen hain ongi ibili.
Beraz, apirilaren 28an jokatuko dute finala Galarretan Urriza eta Garcesek, Xanti Uterga eta Aritz Zubiriren kontra.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
