Martxoaren 8aren inguruko lehen ekitaldiak asteburu honetarako antolatu ditu Berako Goldatz Emakume feminista taldeak

Martxoaren 2an, ortziralean 20:30ean mahaingurua eginen dute Beralandetan, ‘Emakumeak eta kirola’ hizpide hartuta.

Martxoaren 3an, larunbatean 10:00etan Lila-Jokoak eginen dituzte Toki Ona kiroldegi aitzineko zelai gorrian (Izena emateko Katakun edo Errekalden). Egun horretan, 14:00etan emakume bazkari girotua eginen dute Zalainen. Txartelak Katakun eta Errekalden salgai daude, 18 eurotan.

Martxoaren 8koak

Martxoaren 8an, ‘Eskualdeko emakumeok planto!’ goiburupean greba eguna antolatu dute. Mobilizazioak eginen dituzte goizean Beran eta Elizondon eta arratsaldean Lesakan.

• 13:00etan LILAKATEA Berako Mukixu zubian.

• 12:00etan EMAKATEA Elizondon barna, musikakin alaitua.

• 13:00etan ELKA­RRE­TARATZEA Elizondoko Plazan. Ondotik, bazkari autogestionatua Gaztetxean.

• 18:30ean Emakumeen KAFE TERTULIA Lesakako Plazan.

• 20:00etan MANIFA ZARATATSUA, Lesakan.