Igande goizeko 10etan Elizondoko plazan izanen dute hitzordua. Zerbait hartu eta autoak antolatuko dituzte Otsondorat joateko. Bortziritarrak 09:30ean geldituko dira Beran Toki Ona institutuko aparkalekuan eta Malerrekakoak 09:45ean Donezteben Bordatxoko aparkalekuan.
Otsondo-Alkurruntz-Otsondo meni ibilaldi lasaia eginen dute gero Solaslagunek, hiru bat orduz. Tartean, Alkurruntzeko bunkerra ezagutuko dute, beraz, esku-argia eta hamaiketakoa eramatea aholkatu dute. Jon Jauregi, Amaiurko Solaslaguna izanen dute ibilbideko gidaria.
Ibilaldiaren ondotik, bazkari autogestionatua eginen dute Otsondoko merenderoan. Bakoitzak etxetik jakiak eraman eta elkar banatuko dute. Eguraldi txarra eginen balu, Amaiurrerat jautsiko dira bazkaltzerat.
Izen emateak Solaslagunaren txokoan egin daitezke, 610920673 telefonoan edo solaslaguna@topagunea.org helbide elektronikoan.