Kontzertua datorren abenduaren 18an izanen da, ortziral arratseko 8etan Doneztebeko San Pedro Elizan, eta egitarau zabala entzun ahal izanen da bertan: Joaquín Larregla maisuaren hainbat obra instrumental zein abestuak (aurten bere jaiotzearen 150. urteurrena dela eta), Jose Maria Iparragirre olerkari eta musikari handiaren doinu ezagun eta hunkigarriak, Aita Donostiaren Hiru Txito ederra, eta nola ez, Eguberriko doinu ederrenak, Mesias Sarritan eta Horra Mari Domingi tarteko. Gainera, Agorretako ikasleek txistularien laguntzaz Jesús Guridi maisuaren hiru kanta abestuko dituzte. Eta noski, saioan zehar Mendi Abesbatzako bakarlariak entzuteko aukera ere izanen da.
Txistuaz zein ahotsaz gozatzeko parada ezinhobea, beraz!
