Banaka Amasako Eneko Gurrutxaga izan da bizkorrena eta binaka Haitz Telletxea korrikalari beratarrak eta Antton Ibarguren Lezoko txirrindularia
Erreleboka 35 bikotek akitu zuten lasterketa eta gizonezkoen artean lehenak Haitz Telletxea Andueza beratarra eta Lezoko Antton Ibarguren Telletxea izan ziren (1.32.17), bigarrenak Aimar Otxandorena Mitxelena lesakarra eta Unai Iñarrea Iguzkiagirre igantziarra (1.32.51) eta hirugarrenak Mikel Telletxea Sarratea gazteluarra eta Ekain Telletxea Odriozola donamariarra (1.34.17). Mistoan, berriz Xabier Gallardon Eugi etxalartarra eta Maider Usandizaga Altube oñatiarra izan ziren lehenak (1.54.30) eta bi emakumezkok osatutako bikote txapelduna Amaia Jorajuria Mendiburu doneztebarrak eta Olaia Alzuri Macuso iturendarrak osatutakoa izan zen (2.10.00).
Eneko Gurrutxaga garaile bakarka
Bakarka lehena Amasako Eneko Gurrutxaga Ugarte izan zen (1.40.03), bigarrena Unai Plaza Arnal lekaroztarra (1.42.26) eta hirugarrena Iker Telletxea Antzizar lesakarra (1.45.01). Herriko lehena Ekaitz Bertiz Apezetxea izan zen, bosgarren sailkapen orokorrean (11.47.38).
