Eguberrietako buruz buruko erremonte txapelketa aurkeztu dute Elgorriaga bainuetxean

Ttipi-Ttapa 2025eko azaroaren 26a

Eguberrietako buruz buruko erremonte txapelketaren aurkezpena Elgorriaga bainuetxean egin zuten astearte arratsaldean.

Euskal Jai Berri Erremonte Fundazioak eta E•Remonte Iruña enpresak antolatutako eguberrietako buruz buruko erremonte txapelketa-Martiko Sari Nagusiaren aurkezpena egin zuten azaroaren 26an, astearte arratsaldean Elgorriaga bainuetxean. Antolatzaile eta laguntzaileekin batera, txapelketa jokatuko duten lau erremontista ere, Uterga, Matxin III.a, Ion eta Otano izan ziren aurkezpenean. Erremonte Fundazioaren bitartez erremontearen etorkizuna segurtatua dagoela adierazi zuten eta txapelketan biltzen den dirua EN Nafarroako Esklerosi Anizkoitzaren Elkartera bideratuko dela adierazi zuten.

Azaroaren 29an jokatuko dute final laurdenetako jardunaldia Agoitzen, Agoitzen abenduaren 5ean eta Donezteben abenduaren 13an jokatuko diren finalerdietan esperoan dira Ion eta Uterga eta finala abenduaren 21ean jokatuko dute Agoitzen

Iruritan larunbatean jokatutako kanporaketa jardunaldiaren ondotik, Eloy Otxandorena eta David Mitxeo doneztebarrak sailkatu dira txapelketan jokatzeko. Final laurdenetako jardunaldia azaroaren 29an, larunbatean 18:00etan hasita, jokatuko dute Agoitzeko Toki Eder pilotalekuan. Matxin III.a Otxandorenaren kontra ariko da eta Otano Mitxeoren kontra.

Bigarren finalerdia Donezteben abenduaren 13an eta finala abenduaren 21ean Agoitzen

Finalerdietako lehen partida pilotaleku berean jokatuko dute abenduaren 5ean. Otanoren eta Mitxeoren arteko kanporaketako irabazlearen kontra ariko da Ion. Abenduaren 13an, berriz, Doneztebeko Ezkurra pilotalekuan jokatuko dute bigarren finalerdia. Xanti Uterga doneztebarra, gaur egungo txapelduna, Matxin III.aren eta Otxandorenaren arteko kanporaketaren irabazlearen kontra ariko da.

Labrit pilotalekua obretan dagoenez, final handia abenduaren 21ean jokatuko dute Agoitzeko Toki Eder pilotalekuan.

Kirola Malerreka Doneztebe Elgorriaga

Erlazionatuak

Mitxeok eta Otxandorenak Eguberrietako buruz buruko final laurdenetarako txartela lortu dute Iruritan

Ttipi-Ttapa aza 24

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun