Jaione Otxandorena sunbildarrak eta Timoteo Etxeberriak irabazi dute Nafarroako XXXVIII. mus txapelketa

Ttipi-Ttapa 2025eko urriaren 21a

Jaione Otxandorena sunbildarra eta Timoteo Etxeberria, Nafarroako mus txapelketa irabazi berritan.

ANAPEH eta ASESMUS elkarteek antolatutako Nafarroako mus txapelketaren hogeita hemezortzigarren edizioa jokatu zen urriaren 18an Orkoiengo Andia hotelean. Hainbat bikoteren artean, Sunbillako Jaione Otxandorena eta Gelbentzuko Timoteo Etxeberria suertatu ziren txapeldun, finalean Maria Ocañari eta Mariasun Razkini irabazita. Bkote txapeldunak 800 euroko saria eta Esteponan (Malaga) jokatuko den Master mus txapelketarako sailkapena lortu du.

Hirugarren posturako lehian, Juan Maria Guergek eta Juan Jose Santolayak irabazi zieten Xyban Armendarizi eta Julen Zubeldiari.

2018an munduko txapeldun Argentinan

Jaione Otxandorenak eta Timoteo Etxeberriak lortutako Nafarroako mus txapelketa ez da bikote honen garaipen bakarra. 2018a urte bikaina izan zuten. Izan ere, 2018ko maiatzean, Burlatako ostatuen arteko mus txapelketa irabazi zuten, 228 bikoteren artean eta hilabete batzuk beranduago, irailean, Argentinako Pampako Macachín hirian euskal komunitateek antolatutako munduko mus txapelketaren 41. edizioan txapeldun suertatu ziren.

Gizartea Malerreka Sunbilla

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun