Gaur egungo gizartean osasun ohitura txarrak arras barneratuak ditugula argi utzi du eta horrek gure kontra jotzen dutela esplikatu du: «Loa eta hidratazioa bezalako ohiturak geroz eta desorekatuagoak ditugu, kalitate txarreko produktuak kontsumitzen ditugu, sedentarioagoak gara...Eta gainera, ohiturak aldatu beharrean horien ondorioz sortzen diren inflamazioen eta bertzelakoen kontra egiteko botika farmazeutikoetara jotzen dugu». Baina, horren ordez, «ohiturak aldatzea» ongizaterako giltza izan daitekeela azpimarratu du eta beraiek prozesu horren bideari ekiteko laguntza eskaintzen dutela azaldu du: «Kimetz belar dendan produktu osasuntsuak eskaintzen ditugu eta kontsulten bidez pertsonen ebaluazio bat egiten dugu, ondotik, programa pertsonalizatuekin gabeziak lantzeko eta bidean agertzen diren oztopoak gainditzeko».
Ttipi Txartela
«Ongizaterako bidean ohiturak aldatu behar ditugu»
Doneztebeko Kimetz belar dendaz eta dietista gisa kontsultak eskaintzeaz arduratzen da Lorea Agirre. Horrez gain, kontsultetatik kanpo bezeroekin harremana mantendu ohi duela azaldu du, «hurbiltasuna» delako beretako faktore inportanteena: «Sare sozialen bidez informazioa eta aholkuak partekatzen ditut jendearekin, Whatsappeko taldeen bidez, errate baterako».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun