N-121-A

Sunbillan, N-121-A errepideak Beobia inguruan duen biribilgunea kendu eta lotura berriak egiteko proiektua esleitu dute

Ttipi-Ttapa 2025eko irailaren 23a

Orain dagoen biribilgune zatitua kenduko dute eta, horren ordez, lotura zuzenak eginen dituzte Iruñea eta Irun aldera.

N-121-A errepideak Sunbillako Beobia inguruan orain duen biribilgune zatitua kendu eta, horren ordez, hiru lotura zuzen berri egin gogo dituzte: Sunbillatik Iruñea eta Irun aldera ateratzeko, eta Iruñeko aldetik datozenak Sunbillara sartzeko. Horretarako, Nafarroako Gobernuak, Herri Lan eta Azpiegituren Zuzendaritza Nagusiaren bitartez, lotune berriaren proiektua idazteko lana esleitu du 80.000 eurotan eta hamar hilabeteko epea finkatu du erredakzio lana egiteko.

Istripuak izateko arriskua murriztu nahi dute

Erditik zatitutako biribilgune horrek istripuak izateko arrisku handia sortzen duela eta, hori kendu eta horren ordez N-121-A errepidearekin lotzeko adar zuzenak egin nahi dituzte, bi alturatan, Berrizaungo edo Etxalarko lotuneetan egina den antzera. Proiektua idazteko lana 80.000 eurotan esleitu du Lurralde Kohesiorako Departamentuak, Herri Lan eta Azpiegituren Zuzendaritza Nagusiaren bitartez, eta hamar hilabeteko epea finkatu du erredakzio lana egiteko.

Sunbillako Beobia inguruan orain dagoen biribilgune zatitua kendu eta lotura zuzenak egin gogo dituzte. Lotune berriak Sunbilla aldetik N-121-A errepide inguruan hartuko lukeen itxura erakusten du goiko irudiak. Ilustrazioaren iturria: Nafarroako Gobernua.

Gizartea Malerreka Sunbilla

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun