Bisitariek «herria bera ikusi nahi izaten dute, eskualdeko herrietan dugun euskal tradizioko eraikuntza mota. Historia ere ezagutu nahi izaten dute; zer nolako herria zen, dorretxeak… azalpen guztiak emateko turismo bulegoa irekitzen dugu udan». Iaz 2.000 bisitari baino gehiago erregistratu zituzten bulegoan, «eta horri bulegotik pasatu ez ziren turistak gehitu behar zaizkio, 500-1.000 bisitari inguru».
Etorkizunera begira, «alde batetik bisita gidatu bat prestatu nahi dugu, herrian zehar QR puntuak paratuta, arkitektura eta historiako azalpenak emateko. Bertze aldetik, mendira joaten diren oinezko eta bizikletentzako bideak zaindu eta sustatu nahi ditugu. Azkenik, Bidasoko Bide Berdea hagitz garrantzitsua da eta hori lantzen eta txukuntzen segituko dugu».