Funtsetik 2022 eta 2023 urteetan inbertitzeko 25.000 eurokoa. Gogoan izan behar da Nafarroako mankomunitateek zabortegira bideratzen dugun hondakin tona bakoitzeko ordaintzen dugun kanonaren bitartez hornitzen dela Hondakinen Funtsa izeneko diru poltsa. Urtean zehar poltsa honetan bildutako dirua entitateei itzultzen zaie hondakinen kudeaketa hobetzeko egiten dituzten ekintzen, eta hauen eta kudeaketa sistemaren ondorioz lortutako hondakinen murrizte eta hauen balorizazio edota birziklapen datuen arabera.
Zehazki, 2023ko Urteko Funtsa honen dirulaguntzarekin, Malerrekako Mankomunitateak Doneztebeko Garbigunean bigarren eskuko merkatua martxan jarri zuen, erosketak egiteko poltsa berrerabilgarriak banatu zituen eta beste hainbat ekimen burutu zituen hondakinen sorreraren prebentzioa bultzatzeko, bio-hondakinen birziklapena sustatzeko eta, oro har, gainerako hiri-hondakinen (bilketa eta balorizazioa) kudeaketa hobetzeko kanpainak garatu zituen.
Bertzetik, Urte Anitzeko Funtsak 2023 urtean eskualdean lau auzoko konpost gune berri eraiki ziren, Ezkurran, Labaien eta Donezteben (bi) hain zuzen.
Azken bi urteetan egin diren ekintza guzti hauen ondorioz, bertze iniziatiba batzuekin batera, mankomunitateak sortutako hondakinen birziklapena %5-a igo du eta horretaz gain, 30 tona hondakin murriztu ditu.