Ados pilota elkarteak hirugarren aldiz antolatutako Plazaz Plaza txapelketako lehen jardunaldia jokatu zuten larunbatean Iturengo pilota plazan, bestetako egitarauaren barrenean. Naroa Elizalde Etxekolonea zubietarrak ezin izan zuen garaipenarekin hasi txapelketa eta Oskozekin batera, 17-22 galdu zuen Arrieta eta Orbegozoren kontra.
Baina dena ez zen txapelketa ofiziala izan Iturenen eta lehiaketako partidaren aitzinetik, Ados pilota elkarteak pilotari ttikienekin egiten duen lana argi eta garbi azaldu zen, Malerreka aldeko hainbat pilotari gaztetxoek bertze zenbait partida jokatu baitzituzten, ikuskizun ederra eskainiz.
