Donezteberekin batera bertze hiru herri ere —Arrakundiaga-Zollo, Arruazu eta Etxebarria— sartuko dira egun berean UEMAra, eta hala, 101 herri izanen dira data horretatik aitzinera. 100 herriren langa gainditu dutela ospatzeko, ekitaldi berezi ere eginen dute Ehun udal eta hamaika gehiago izenepean.
Gaur egun, 97 herrik osatzen dute UEMA, eta eskualdeko bederatzi daude bertan: Arantza, Areso, Baztan, Bera, Etxalar, Goizueta, Igantzi, Leitza eta Lesaka. Martxoaren 25etik aitzinera 101 herri izanen dira, eta tartean, eskualdeko hamar.