Iruñera eraman dute Sunbillako bidegurutzean arratsaldean izan den istripuan zauritu den motorzalea

Ezbeharra gaur arratsaldeko seiak inguruan gertatu da Sunbillatik Doneztebe aldera dagoen bidegurutzean bertan. Auto batek eta moto batek istripua izan dute eta kolpearen ondorioz belaunean izan dituen zauriak sendatzeko, 67 urteko motorzalea Iruñera eraman dute anbulantzian. Doneztebeko osasun etxeko mediku-erizainek eta Oronoz-Mugairiko parketik joan diren suhiltzaileek artatu dute istripua. Argazkiak: Nafarroako Suhiltzaileak