Aurtengo maiatzean hasi da Edoskitze taldean; «Arantxa erizainaren bidez izan nuen taldearen berri». Bertan, «esperientziak, dudak eta beldurrak» partekatzen ditu eta «jende profesionalarengandik zein amengandik» gauzak ikasten dituela dio; «zerbait berria jakiten ateratzen naiz beti».
Bere egoera berean dauden gurasoak ezagutzea era «hagitz lagungarria» dela dio. Taldean ikasitako gauzetatik, esaldi bat «grabatuta» gelditu zaio: «hartzen duzun erabakia zuzena izanen da, nahiz eta gero ohartu hobetu daitekeela». Izan ere, «duda aunitz sortzen dira eta erabakiak hartu behar dira. Hartutako erabakia egokia ote den pentsatzen dut aunitzetan eta esaldi horrek aunitz laguntzen dit, batez ere presioa kentzeko».
