Nafarroa iparraldeko konpostaje instalazioa Donezteben egitea aurreikusi dute, N-121-A errepidearen bazterrean hondakinak transferitzeko orain dagoen plantaren ondoan. Kasu honetan, Doneztebeko instalazioak urtean 3.000 tona bio-hondakin tratatzeko gaitasuna izanen luke, eta Bortzerrietako, Bertizarana-Malerrekako eta Baztango 21.800 biztanleri emanen lioke zerbitzua.
Konpostaje instalazioen ezaugarriak
Bi instalazioek etxeko bilketatik eta hondakin sortzaile handietatik datozen sukalde eta jatetxeetako hondakin biodegradagarriak tratatu eta balorizatuko dituzte. Behin hondakin horiek tratatuta, deskonposizio biologiko aerobikoaren prozesua kontrolatutako baldintzetan egin ondotik, konposta sortuko dute.Bi zentro berriak Doneztebeko eta Tafallako hondakinak transferitzeko orain dauden instalazioen ondoan kokatzea aurreikusi dute, eta hartara, instalazio horiek orain dituzten sarbideak, energia elektrikoaren hornidurak, pisatzeko baskulak eta hondakin-uren tratamendua aprobetxatuko dituzte.