Ketik aske, zigarrokinen kalterik gabe bizitzeko erabakia hartzen dutenek urri bukaeran Donezteben laguntza jasotzeko aukera izanen dute. Izan ere, erretzeari utzi nahi diotenendako tailerrak eskainiko ditu.
Hilaren 28an hasiko dira saioak eta abendura arte osasun etxean eskainiko dira. Zehazki, urriaren 28an, azaroaren 4an, 11n, 18an eta 25ean eta abenduaren 9an izanen dira, 17:30etik 19:00etara. Minbiziaren Aurkako Elkarteko psikologoa den Chema Larraioz Perezek bideratuko ditu saioak.
Interesa duenak bere erizainari erranez edo osasun etxean jakinaraziz eman dezake izena.
