Ligako lehen partida galdu du Erreka eskubaloi talde nagusiak

Joan den denboraldi osoan ez zuen partidarik galdu

Besta ttikiak direla eta asteartean jokatu zuen Errekako eskubaloi talde nagusiak ligako lehen partida Donezteben. Joan den denboraldian, liga eta kopako partida guztiak irabazi eta gero (igoera fasean bakarrik galdu zuen), erronka gogorra zuten, Iruñea Eskubaloia faborito nagusia baitzuten bisitari. Lehenbiziko zati berdinduaren ondotik, azkenean hiriburukoak nagusitu ziren, 16-26. Egia da jokalari garrantzitsuak falta zituela, baina urtebete eta gero, partida galdu du Errekak.