Gainerakoan, Ezkurratik TTIPI-TTAPAri adierazi diotenez, «oraingoz ez da hauteskundeetarako inor aurkeztu». Herrian «kezka» dutela gaineratu dute eta «ez da inork aurkeztu nahi duenik aditzen». Iturenen, Urrozen eta Oizen ere ez omen dago mugimendurik hauteskundeei begira.
Eratsunen larunbat honetan, 16:30ean hauteskundeen inguruko bilkura deitu dute. Herriko Etxean eginen dute hitzordua. Elgorriagan, berriz, orain dela bi aste batzar orokor bat egin zutela jakin du TTIPI-TTAPAk eta «zerrenda irekia utzi zen nahi zuenak apuntatzeko». Ortzirale honetan akituko da horretarako epea.