Elgorriagako bestak hasi dituzte

Lau egunez ekitaldi andana izan dituzte.

Lau egunez, haur, gazte eta helduentzako ekitaldiak izanen dituzte.

Ostatuaren kudeaketaz arduratzen den Itsaso Torrecillas Otegiren eskutik lehertu da Elgorriagako bestei hasiera eman dien txupinazoa. Txistulari eta trikitilariak herrian barna ibili dira eta 11:30ean meza hasi dute. Aurten buruhandiak ere izan dituzte. Izan ere, Luis Cambrak egin eta Udalari oparitu dizkio, arropa eta guzti. Orain, 12:30ean, Doneztebe dantza-eskolako dantzarien emanaldia izanen dute. 13:30ean luntxa eskainiko dute eta arratsaldean haur eta gaztetxoendako jokoak izanen ditzute, herriko plazan. 20:00etan patata tortilla lehiaketa hasiko da, eta dastatu bitartean, Oihana eta Oihana trikitilariek alaituko dute giroa.

Herritarrek gogotsu hasi dituzte bestak.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun