EH Bildu izan da Malerrekan alderdi bozkatuena, 873 boto eskuratu ditu 2016an baino 264 gehiago. Donamarian, Elgorriagan, Ezkurran, Iturenen, Saldiasen, Sunbillan eta Zubietan ez bezala, Beintza-Labaien, Eratsun eta Urrozen Geroa Baik eskuratu ditu boto gehien. Oizen, berriz, berdinketa izan da EH Bildu eta Geroa Bairen artean.
Geroa Bai alderdiak 603 boto jaso ditu, 2016an baino %83,84 gehiago (275 botoko aldea). Beintza-Labaienen ia bikoiztu egin du jasotako boto kopurua (16 boto izatetik 31 izatera pasa da); Eratsunen 25etik 34ra; Oizen 12tik 21era; eta Urrozen 25etik 35era.
PSOEk ere goiti egin du. Guztira 390 boto eskuratu ditu, 2016an baino 175 gehiago.
Unidas Podemosek nabarmen egin du beheiti, 315 boto eskuratuta. 2016an baino 280 boto guttiago lortu ditu.Bigarren indarra izatetik laugarren izatera pasatu da.
Navarra Suma izan da boto guttien (320) eskuratu dituena, 2016an UPNk eta PPk eskuratu zituztenak baino 159 guttiago.