Ortziralean, 10:00etan ernatze feminista izanen da. 11:30ean, berriz, eskola ondoko biribilgunean bilduko dira eta 12:00etan emakatea eta herrian barna itzulia eginen dituzte. Itzulian merkatari eta zerbitzuei informazioa zabaldu eta parte hartzera animatuko dituzte. 13:00etan Herrigunean bazkari autogestionatua izanen da eta ondotik jokoez gozatzeko eta eztabaidetan parte hartzeko aukera izanen dute. Elizondoko bilkurara joan nahi dutenek ere izanen dute aukera. 18:30ean Firin Farandula Malerrekako antzerki taldearen emanaldiaz gozatuko dute, zineman.
Larunbatean Mendi Abesbatzek (nagusiak eta ttikiak) elizako plazan emanaldia eskainiko dute, 19:00etan. Ondotik, poteo morea karrikaz karrika
Igandean, berriz, Carmen eta Lola filma pantailaratuko dute zineman 18:30ean. Biltzen den dirua MPS elkartearen alde izanen da (mucopolisacaridosis). Aitzinetik, 10:30ean, Errekako emakume lasterkariak Donostiko Lilatoira joanen dira.