Erretiradi taldeak irabazi du Eguberrietako VIII. Areto Futbol Txapelketa

Basaburuaren aurka lehiatu zen finalean.

Doneztebe Futbol Taldearen eskutik, abenduaren 23tik 31ra bitarte Eguberrietako Areto Futbol Txapelketaren VIII. edizioa jokatu zuten. Urtez urte errotuz doan txapelketan 20 taldek, 215 futbolzalek, parte hartu zuten. 48 partida jokatu zituzten, zein baino zein ikusgarriagoak. 

Bortzirietako Erretiradi taldeak eta Baztango Basaburuak lortu zuten finalerako txartela eta horien artean Erretiradi gailendu zen. Basurdes eta Arantza izan ziren hirugarren eta laugarrenak, hurrenez hurren.

Banakako sariei dagokionez, Daniel Pio –Abada Kadabra taldekoa– izan zen gol gehien sartu zituena; 21 zehazki. Mikel Sagaseta –Basaburua taldekoa– atezain onena, Urki Txoperena –Erretiradi taldekoa– finaleko jokalari onena eta Jon Ubiria –Erretiradi– txapelketako partaide onenak izendatu zituzten. 

Era berean, smartwatchak, osasunako kamiseta, urdaiazpikoa, ardoak... zozketatu zituzten.

 

Erlazionatuak

Oier Beltran: "gero eta partehartze zabalagoa eta kalitatezkoagoa du Eguberrietako areto futbol txapelketak"

Malerreka Doneztebe

Doneztebe Futbol Taldeak antolatutako VIII. txapelketa arrakastatsua suertatu da bertze behin ere. Baztan, Malerreka, Bortziriak, Ultzama eta Iru&n...

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun