Izarra Tanatorio Taldeak beilatokia ireki du Donezteben

Ttipi-Ttapa 2018ko uzt. 4a, 07:52
Izarra tanatorioko Doneztebeko lan-taldea, Mikel Idoate eta Mikel Legarra bazkideekin.

Parrokia karrikako lokalaren inaugurazioa egin zuten uztailaren 3an

Izarra Tanatorio taldeak beilatoki berria ireki du Donezteben, Parrokia karrikan, herriaren erdi-erdian. Bizilagun aunitz hurbildu zen instalazioak bertatik bertara ikustera. Inaugurazio ekitaldia astearte arratsaldeko zazpietan hasi zen eta ondotik aperitiboa dastatu zuten giro lasaian.

 

Ekitaldiari hasiera emateko, Izarrako gerenteak, Mikel Idoatek, esker oneko hitz batzuk erran zituen bere intentzioak eskualdean zein diren azalduz: «Ilusioz gaude gure zerbitzu funerarioa ulertzeko dugun modu berria zonaldean emateko, hurbiltasunean, pertsonalizazioan eta innobakuntzan oinarrituz».

Enpresak Iruñeko erdigunean, Txantrean, Elizondon, Etxarri Aranatz-en, Altsasun eta Beran dituen beilatokien estilo berbera segitzen du lokalak, argia, espazioa eta kolore txuria ezaugarri nagusiak izanik.

Beilatokia herriaren erdigunean egotea ere Izarrak hasieratik izan duen filosofía izan da, «azken finean nahi duguna da pertsonek bere familia eta lagunak beti bizi izan diren tokian agurtzea, bere senideetatik hurbil» azaldu du Mikel Idoatek.

Horrela, Izarrak irekiera plana aurrera darama Nafarroako lurralde guztian, zerbitzu funerario ulertzeko modu berri, fresko eta berriarekin, berrikuntzan, errotasunean eta pertsonetan oinarrituz, non, bere bazkide diren Mikel Legarrak eta Mikel Idoatek diotenez, beharrezkoa da horrelako zerbitzu berezi bat emateko orduan.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun