erran.eus

Bi egunetara hedatuko da Errekaren Mendiaren Eguna Donezteben

  Kirola  Malerreka  Doneztebe

Abenduaren 16ko Victor Volodin errusiarraren eta abenduaren 17ko Alex Txikonen proiekzioetarako sarrerak salgai daude

Aurten berrikuntza nagusi batekin heldu da Doneztebeko Errekaren Mendiaren Eguna. Izan ere, bi jardunaldi izanen ditu abenduaren 16an eta 17an, bi mendizale handiren proiekzioekin: Victor Volodin errusiarrarena eta Alex Txikon bizkaitarrarena.

Bi egunetara hedatuko da Errekaren Mendiaren Eguna Donezteben
Alex Txikonek Everesteko espedizioari buruzko ikusentzunekoa eskainiko du. | Ikusi handiago | Argazki originala

 

Abenduaren 16an, larunbatean, Victor Volodin mendizale errusiarra izanen da gure artean. Sobera ezaguna ez bada ere, gauza hagitz interesgarriak egin ditu mendiaren munduan eta "El Leopardo de las nieves" proiekzioa eskeiniko digu. 19:00etan izanen da hitzordua Doneztebeko Leku Eder Zineman.

Abenduaren 17an, aldiz, aski ezaguna dugun Alex Txikonen txanda izanen da. Europan barrena izugarrizko arrakasta izaten ari den "Everest, un reto sobrehumano" proiekzioa eman du, 18:00etatik aintzinera Leku Eder Zineman. Emanaldi honen aitzinetik, igande goizeko 07:30ean mendi irteera abiatuko da autobus geltokitik. 12:30ean poteoa izanen dute eta 14:00etan bazkaria. Titi ostatuan apunta daiteke abenduaren 13a bitarte.

Bi proiekzioetarako sarrerak Doneztebeko Titi Ostatuan, Berako Errekalden eta Elizondoko Intzan daude salgai, 5 eurotan. Sarrerak bi jardunaldietara sartzeko eskubidea ematen du.

2017/12/16 - 2017/12/17

Doneztebeko Leku-Eder zinema Malerreka Doneztebe

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa