Zubiriko pilotalekuko harmailak gainezka zeuden eta Luzaideko Bolanteen dantza saioa ere ikusteko aukera izan zuten, ADANO elkartearen aldeko jaialdian.
Lehen partidan, Etxarri eta Garcések 30-8 irabazi zieten Barrikart eta Azpiroz-i.
Final nagusian, hasieratik hartu zuten aldea urdinek (0-5, 4-6, 8-15, 12-20). Uterga bikain aitzinean eta Barrenetxea fin lanean gibelean. Baina Urrizak eta Etxeberriak ere bikote bikaina osatzen dute eta lau tantura hurbildu ziren(24-28, 25-29). Ez zen aski izan markagailuari buelta emateko eta azkenean, Uterga eta Barrenetxea suertatu ziren txapeldun.
Sari banaketan, Ainhoa Aznarez, Nafarroako Parlamentuko presidentea; Mikel Gastesi Esteribarko alkatea; Alfredo Arruiz, Remonte Euskal Jai Berri Fundazioko patronatuko presidentea; Iosu Janices, Nafarroako Kirol eta Gaztediaren Institutuko zuzendari ordea; Sergio Murillo, Magnako ordezkaria eta Roberto Mercero, Telefónicako presidentea Nafarroan, izan ziren.
