Joanekoan 9-8 irabazia zuen Doneztebe Apeztegia taldeak eta itzulerakoan ere Doneztebe The Moment taldeari 6-9 irabazita lortu du finalerako txartela.Bi partidak estuak izan dira eta jende aunitz erakarri dute Bear-Zana pilota plazara. Bigarrengoan 2 ordu eta laurden aritu ziren pilotan.
Doneztebe The Moment (Pascual Vertiz – Julen San Miguel – Jose L. Arozena – Javier Vertiz) 6
Doneztebe Apeztegia (Jon Apeztegia – Ramontxo Etxebeste – Joseba Juanena – Iban Santesteban) 9
Marcador: 1-1, 2-2, 3-3, 5-3, 5-8, 6-8, 6-9.
Lehenbiziko partidan bezala, The Moment taldekoak aitzinetik ibili ziren hasieran (joanekoan 1-6 ere bai, nahiz gero 9-8 galdu). Bigarrenean, 5-3 irabazten joan ondotik, bortz joko segidan egin zuten Apeztegiakoek, markagailuari buelyta emateko eta azkenean 6-9 irabazteko. Jon Apeztegia sakalari ezkerrak min egin zuen horman eta Etxebeste ere ongi ibili zen errestoan. Estrategia garbia erabili du Doneztebe Apeztegiak, beharbada Doneztebe The Moment taldeari falta izan zaiona.
Finalerdietako joaneko partidak larunbat honetan
Gauzak honela, Iruritako bi talde eta Arraioz eta Doneztebeko bana izanen dira finalerdietan.
Finalerdietako joaneko partidak uztailaren 15ean, larunbatean jokatuko dituzte. Doneztebe Apeztegia eta Irurita Miguelene taldeen artekoa larunbatean 16:00etan jokatuko dute Doneztebeko Bear-Zanan eta Arraioz Sagardia eta Irurita Biek taldeen artekoa larunbatean 17:00etan Arraiozen. Itzulerako bi partidak Iruritan izanen dira.