Bi lehenbizikoak nahiko garbi nagusitu ziren, baina finalerako hirugarren txartela zentesimen barrenean egon zen. Izan ere, Aritz Irazabal bizkaitarrak 8 zentesima gehiago bertzerik ez zituen behar izan lana akitzeko (12:12:33).
Beintza Labaiengo Migel Angel Etxeberria eta Jon Telletxea eta Zubietako Mikel Indakoetxea elkarrengandik hurbil baina sailkapenetik urrunago ibili ziren hamargarren, hamekagarren eta hamabigarren izan bai ziren (13:17, 13:19 eta 13:22).
Bigarren kanporaketa abuztuaren 28an izanen da Lakuntzan, Patxi Mindegia zubietarra, Asier Pellejero aresoarra eta Eneko Saralegi leitzarra izanen dira eskualdeko aizkolariak. Nafarroako ordezkaritza Iban Resanok, Goizeder Beltzak, Iker Gorritik eta Josu Agirrek osatuko dute; Gipuzkoatik Aitor Urteaga, Urtzi Olasagasti eta Unai Otaegi; Bizkaitik Aritz Oregi, Xabier Garcia eta Done Itxausi eta Arabatik Iñaki Kintana ariko dira.