Ortziral goizeko 11etatik 13:30etara burutuko da ahari lehiaketa. Epaimahaikoek 6 sari banatuko dituzte: 3 mutur gorrientzat eta bertze hiru mutur beltzendako. Sariak honako hauek izanen dira. Lehendabizikoei 120na euro, bigarrenekoei 70na euro eta hirugarrenekoei 50na euro. Sari banaketa 13:30etan burutuko da. Bitartean eta, goizeko 10etatik 14:00etara, Malerrekako hainbat eskulangileen erakusketa izanen da. Aurtengo ferian parte hartuko duten artisauak honako hauek izanen dira. Urrozko Bittoriano Arzuaga (artilea); Doneztebeko Jose Luis Olaizola (heraldika); Zubietako Santiago Hualde (kaikuegile); Doneztebeko Lourdes Goñi (etxeko goxokiak, erroskillak); Doneztebeko Maria Irurueta (Kanutilloak); Oizko Carlos Mindegia (gaztak); Zubietako talogileak, Joxepa Loiarte eta lan taldea; Zubietako Fausti Juanikorena (jantziak); Zubietako Maria Salanueva (xaboiak); Eratsungo Malu Alvarez (zilarra) eta Zubietako Andrew Smith (argazkiak). Eguraldi euritsua eginen balu eskulangileen erakusketa eliza atarira eramanen da.
