Igandeko hogeita bigarren edizioan kofrade berriak izendatuko dituzte
Aurten hogeita bigarren edizioa beteko du Nafarroako Onddo eta Zizen Egun haundiak Elgorriagan, Onddo eta Zizen Kofradiak antolatua. Urriaren 4an, igandean Elgorriagara joaten direnek onddo eta bertzelako produktuak dastatzeko aukera paregabea izanen dute.
Igande goizeko 9:30ean kalejira eta ibilaldia eginen dute kofradiako kide beriek Ezkurra errekaren bidean barna. igande goizeko10:00etan meza ospatuko da, Abesbatzak kantatua. Ondotik kofrade berrien izendapena eginen da. 11:00etan Zubietako joaldunak eta Doneztebeko Bearzana txarangakoak karrikaz karrika ibiliko dira. Eguerdian, ohiko kaxuela lehiaketa eginen da frontoian. Leku berean artisau produktuen dastaketa eginen da, onddoen zozketa eta tonbola.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
