Endika faborito zen, baina sufritu behar izan zuen pronostikoa bete eta partida irabazteko, 15-19 galtzen ere izan baitzen.
Azkenean, lehen helburua lortu eta finalerdietako ligaxkan ariko da. Beraz, Endikarekin batera, Uterga eta Urriza seguruak dira ligaxka horretan. Larunbatean Barrenetxea IV.ak eta Etxeberria IV.ak jokatuko duten kanporaketako irabazlea izanen da laugarrena.
Asteartean Galarretan jokatutako jaialdiko partida nagusian, Koteto Ezkurrak eta Ionek 40-35 irabazi zieten Uterga eta Etxeberria III.ari.