Aizkolariek kanaerdiko 10 enbor eta 60 ontzako sei enbor moztu behar zituzten eta Larretxeak eta Arria V.ak 30 minutu eta 51 segundo behar izan zituzten lanak bukatzeko eta minutu pasatxoko aldea atera zieten bigarren izan ziren Joseba Otaegi eta Jon Rekondo leitzarrari (31:55). Hirugarren postua Atutxa II eta Mugertza II.ak eskuratu zuten (32:02), laugarren postua Josemari Olasagasti eta Iñaki Azurmendi beteranoek (34:24) eta bosgarrena Floren Nazabal eta Ander Erasun aurtiztarrak (34:49).
Baina proba nagusiaz gain, izan zen bertzelakorik ere Sunbillan. Iker Vicente eta Mieltxo Mindegiaren arteko desafioa lau kanaerdikotara jokatu zen eta Otsagabiako nagusitu zitzaion Zubietakoari. Xanta Souza lesakarrak 40na kiloko txingekin hamar plaza (280 metro egin zituen), zaleen txalo artean.