Goizuetako bi argazki hauen artean 70 urte pasatu dira

Bi argazkiei begiratuta, edozeinek esanen luke Goizueta handitu egin dela azkeneko 70 urteotan. Eta bai, lehen landa eta baratze ziren zelaietan orain pisuak, eskola, pabiloiak… ageri dira. Baina, zer da handitzea? Goizuetak 1960an 1.350 biztanle zituen, eta 1970ean 1.423 biztanle izatera ere ailegatu zen. Orain, Nastat-en arabera, 682 ditu. Bizibidea atera beharrak gupidarik gabe hustu du Goizueta, Urumean behera eramanez, batez ere.