Jon Arangoak eta Ainara Gorostiagak Ttipi-Ttapari eskainitako elkarrizketan datua eman zuten aditzera: «50 tortura kasu baino gehiago identifikatu ditugu Mendialdean». Gaia gizarteratu eta tortura jasan zutenei babesa eskaintzea ere bada helburua: «Hurbiltasuna, babesa, aitortza bat egitea. Eta ea hori ere bultzada den, hitz egitera ausartu ez direnek pausoa eman dezaten. Prozesu guztia biziz edota prest ez badaude, torturatu zituztela esanez. Egoeraren bolumena zein izan zen ikusteko baliagarriak izanen ziren biak».
ortura Mendialdean: egia, aitortza, erreparazioa zikloa antolatu dute Nafarroako Torturatuen Sareak eta Egiari Zor Fundazioak. Ekitaldi sorta borobiltzeko, Mendialdeko torturatuen aitortza ekitaldia eginen dute Leitzako Herri Aretoan, 12:00etan. Minek ez gaitzatela lotu, jarrai dezagun hegan izenburupean, gaia gizarteratzea da helburua: gaia gizarteratzeko beharra dagoela nabarmendu dute, «egia, justizia eta erreparazioa lortzeko».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun