Hodei Lujanbio goizuetarra hirugarren izan zen irailaren 27an jokatutako Zeanuriko Gorbeia Suzien lasterketan. 21 kilometro luze eta 1.200 metroko desnibel positiboa zuen ibilbidea osatzeko bi ordu, 8 minutu eta 17 segundo behar izan zituen, irabazle izan zen Chesterfieldeko (Erresuma Batua) Finlay Grantek baino sei minutu eta hogei segundo gehiago (2.01.57). Igorreko Aner Zuluaga izan zen bigarren (2.05.49). 210 korrikalarik eman zuten izena proba honetan eta horietatik 197k lortu zuten burutzea.
Astebete lehenago, Hazparneko Urtxin Trail lasterketa irabazi zuen Hodei Lujanbiok.