Duela 9 urte ireki zuen negozioa Zabaletak eta ordutik «etxekotasun goxo hori» bermatzea izan da beretzat faktore espezialena: «Herritarrekin lortu dudan hurbiltasun eta konfiantza hori gustatzen zait; oinetako pare bat etxera probatzera eraman nahi dutela? Ba eraman dezatela!».
Azkenik, Zabaletak Bi pauso oinetako denda «bertako herritarrei esker bizirik mantentzen» duela azpimarratu nahi izan du irribarre zabalarekin. Baina, aurpegiaren bertze aldea begiratuta ere, Zabaletak kontatu du herritarrek askotan oinetako denda bat herrian bertan edukitzea eskertzen dutela. «Batez ere adin gehiagoko jendeak eskertzen du Bi pauso etxetik hurbil edukitzea, horiek ezin baitira hain erraz hirietara erostera joan».