Martxoak 2, Igandea
Dantzan edo dantzariei begira, halaxe hasiko dituzte Goizuetan inauteriak. Urtero bezala, gaztetxoen Zahagi dantzak emanen die hasiera inauteriei, 17:00etan. Ilunabarrean, 19:00 aldera, Malkogarriyak musika taldearen emanaldia izanen dute Herriko Etxeko aterpean eta 21:30ean Mozorroen afaria.
Martxoak 3, Astelehena
Goizean goiz, 08:00 aldera, mozorroak elkartu eta baserrietara abiatuko dira. Herrian, 10:00etan plaza apaintzeko hitzordua egin dute, aurtengo gaia baserria izanen da. Eguraldi txarra bada frontoian elkartuko dira. 11:30ean konpartsa aterako da eta herriko kaleetan ibiliko dira inauteri giroa zabaltzen. 13:o0etan umeen bazkaria izanen da eta ondoren umeentzat filma jarriko dute. 14:30ean helduen bazkaria izanen da. 17:00etan txokolate jana antolatu dute eta 17:30ean Mikeltxi DJ-arekin dantzaldia izango da Herriko Etxeko aterpean. Ilunabarrean, mozorroak etorriko dira dultzaineroekin. Eguneko azken ekitaldi ofizialak 22:00etan hasiko den mozorroen afaria izango da. Hortik aurrera, festak seguru izanen duela segida.
Martxoak 4, Asteartea
09:00etan mozorroen gosaria izanen dute. 10:00etan mozorroak elkartu eta herriko etxeetara joanen dira dantzan. 14:00etan mozorroen bazkaria izanen da. 17:00etan Zahagi dantza eginen dute herriko kaleetan. 22:00etan mozorroen afaria izanen dute.
Martxoak 8, igandea
Egun batzuetan indarrak zertxobait berreskuratuta, martxoaren 8an berriz ere festarako bilduko dira. 12:30ean poteoa eginen dute Igandea txarangarekin. 14:30ean mozorroen bazkaria izanen dute. 17:30ean Igandea txaranga herrian zehar ibiliko da. Gauean Oattolo eta Jussy DJ-ak ariko dira gaztetxean.