Atzo, astelehena, Gorriztarran, Arkixkil, Erreka eta Sakulu auzoetan eskean ibili ziren leitzarrak, eta arratsaldean, besteak beste, kalejira egin zuten. Gaur, berriz, goizean Erasote auzoan eskean ibiliko dira eta arratsaldean atsaure kalejira eginen dute.
Argazkiak: Pablo Feo eta Soro.
Ez dira eguneko hitzordu bakarrak izanen. Goizean, 14:00 arte eta arratsaldean 16:00etatik 18:00etara puzgarriak izanen dituzte pilotalekuan, eta 18:30ean atsaure kalejira hasiko da plazan, herriko musikariekin. 20:00etatik 21:30era eta 23:30etik 01:00etara Muxutruk erromeria taldea ariko da karrapean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.