2018an egin zuen profesionaletarako jauzia Euskaltel taldearekin eta elastiko laranja izan du soinean ibilbide osoan. Larunbatean ere kolore laranja izan zen nagusi plaza inguruan; hurbilekoak kamiseta laranjak jantzita eta bengala laranjak eskuetan zituztela egin zioten ongietorria. Peritzako estratan gora, alfonbra laranja luzean barna, egin zuen plazarako bidea Azurmendik. Bertan, agurra dantzatu zioten Maider Azurmendi arrebak eta Olatz Mitxelena lehengusinak, besarkada estua eman zion Maite Iturrarte zaleak, txapela jantzi zioten gurasoek eta lore-sorta eta garaikurra jaso zituen kuadrillakoen partetik. Hunkituta eskerrak eman zizkien denei.
Ibai Azurmendi leitzarrari omenaldia eskaini diote bere hurbilekoek
Ezusteko ederra eman zioten larunbat eguerdian Ibai Azurmendi leitzarri bere familiako kideek eta lagunek. Duela hilabete pasatxo iragarri zuen txirrindularitza profesionala utzi behar zuela eta egindako bidea goraipatuz omenaldia eskaini nahi izan zioten. Amaia Iparragirrek bildu ditu omenaldiko irudiak bideo honetan.
Erlazionatuak
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun