17:30ean hasiko da jardunaldia eta ondorengo egitaraua izanen du. Sarrera Leitzako Udaleko eta Cederna Garalurreko kideek eginen dute. Ondoren, Olatukoop kooperatibako Beñat Irasuegik Euskal Herrian zehar ekosistema kooperatiboak eta Herri Kooperatibak sortzen izeneko hitzaldia emanen du.
Ondoren, bi kooperatibetako esperientziak ezautzeko aukera izanen da. Bakaikuarrok Gizarte Ekimeneko S. Koopeko kide Nerea Vianak herri kooperatiba baten esperientzia zertan datzan azalduko du eta Biziola Koopeko kide Andoni Mikelarenak eta Xabi Irastorzak eskualdeko ikuspegi integralen esperientziaz ariko dira.
Hitzaldien tartea bukatzeko, Cederna Garalurreko kideek Mimukai, ekintzaile ekosistemarako gune solasaldia eginen dute eta ondoren instalakuntzei bisita eginen diete.
Bisitan eta jardunaldian parte hartzeko aurretik izena eman behar da mimukai@cederna.es helbidean edo 674 02 48 23 zenbakira whatsapp mezu bat bidaliz.