Ekainaren erdia igarota, eskualdeko kirol talde gehienek denboraldia bukatua dute. Denek? Ez! Oraindik Leitzako Aurrera futbol taldeko jubenilak lehian dabiltza, Nafarroako bigarren mailatik lehen mailara igotzeko fasean. Bigarren kanporaketa erabakigarriko joaneko partida jokatuko dute ekainaren 18an, igandean 18:30etan Leitzako Arkiskilen. Beraz, larunbatean Aurrera futbol taldearen denboraldi bukaerako ospakizunaren ondotik ere lanean segituko dute Leitzako taldeko gazteak, hurrengo asteburuan Lakuntzan jokatuko den itzuliko partidarako emaitza on baten bila. Kanporaketako irabazlea Nafarroako jubenilen lehen mailara igoko da.
FUTBOLA
Nafarroako bigarren mailako igoera faseko bigarren kanporaketa (joanekoa)
Aurrera KE – CD Lagun Artea, igandean 18:30ean Leitzako Arkiskilen.
