Ekainaren 17an, larunbatean 09:00etaik 10:30era futbol txiki partidak jokatuko dituzte plazan. Futbol Batzordearen eskerra adieraziko zaie honela jokalari txikiei. 11:00etan Aurrera Kirol Elkartea osatzen duten jokalari guztien argazki ofiziala aterako dute plazan (Aurrera Txiki 1etik hasi eta Gorengoen mailara bitarteko 200 jokalari baino gehiago bildu nahi dituzte). Arkiskil futbol zelairako belar artifiziala aldarrikatuko dute. Jokalari guztiak Aurrerako kamiseta, galtza motzak eta galtzerdiak jantzita joanen dira eta albistea hedabideetan zabalduko dute. 11:30etik 13:30era Aurrera Txikiko jokalari guztientzako puzgarriak izanen dira (eguraldiaren arabera, plazan edo eskolan. 13:00etan laguntzaile, kolaboratzaile eta erakundeen arteko luntxa Aurreran. Jose Mari Razkini omenaldia eginen zaio. 14:30ean alebin mailatik Gorengoen mailara bitarteko jokalari guztien bazkaria izanen dute (eguraldiaren arabera karrapean edo eskolako jantokian).
Denboraldi amaierako futbol festa antolatu du Leitzako Aurrera elkarteak ekainaren 17rako. Festarekin batera, belar artifizialeko futbol zelaiaren beharra ere aldarrikatuko dute eta Jose Mari Razkin omenduko dute.
Erlazionatuak
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun