'Ertzak leuntzen' dokumentala aurkeztuko dute ostiralean Goizuetan

Ttipi-Ttapa 2023ko mai. 11a, 09:00

Joan den azaroan Leitzan estreinatu zuten Manex Morenoren Ertzak leuntzen dokumentala eta aldi honetan Goizuetako Udaletxeko Ganbaran ikusteko aukera izanen da. Ostiralean, maiatzaren 12an, 18:30ean emanen dute.

LHL erronkako lantaldearen eskariz egin zuen Manex Moreno Uharte Leitzako dokumentalgileak Ertzak leuntzen dokumentala. Herrian dauden mugikortasunerako zailtasunak erakusteaz gain, inklusibitatea bere osotasunean landu zuten eta Morenok «kontzientziazio dokumentala» dela esanez deskribatu zuen; «Ikusezina bistaratzeko aukera ona» izan zela ere nabarmendu zuen.

Azaroan estreinatu zutenetik hainbat bazterretan eman dute 45 minutuko emanaldia, eta bihar, Goizuetak hartuko du lekukoa.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun