2019an egin zuten azken aldiz Leitzulia BTT proba, eta 2020an, 2021ean eta 2022an bertan behera uztea erabaki zuten antolatzaileek. 2019koa laugarren edizioa izan zen eta 326 txirrindularik osatu zuten Leitzako mendietan barna 42 kilometroko ibilbidea. Guztien artean Haimar Zubeldia izan zen aurrenekoa. Ibilbidea osatzeko bi ordu eta bost minutu behar izan zituen. Azkenak bost orduren bueltan helmugaratu ziren.
Leitzulia BTT proba irailaren 30ean eginen dute
Azken urteotako geldialdiaren ondoren, aurten Leitzulia BTT proba eginen dutela aurreratu du Mendibil BTT taldeak. Oraingoz iragarri duen bakarra eguna da: irailaren 30ean izanen da. Mendi bizikleta probari buruzko xehetasun gehiago aurrerago emanen dutela jakinarazi du.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun