Leitzako Independentziarako Indarra dinamikaren baitan aurreneko saioa asteazkenean eginen dute

Ttipi-Ttapa 2022ko mai. 2a, 19:00
Leitzako Sortuk apiril hasieran egin zuen dinamikaren aurkezpena.

Duela aste batzuk iragarri bezala, Independentziarako Indarra dinamika jarri du abian Leitzako Sortuk. Horren baitan, «independentziarako bidean ertz eta erronkak plazaratuz» maiatzetik urrira hainbat solasaldi eta ekintza eginen dituzte. Horietan aurrenekoa izanen da asteazken honetakoa. 

Langile borroka gaurkotuz izenburupean solasaldia izanen dute asteazkenean, maiatzaren 4an, Leitzako Torrean. Igor Arroyo LABeko idazkari nagusi ondokoa eta Lur Albizu Sortuko Nafarroako arduraduna izanen dira hizlariak. 19:00etan hasiko da.

Hurrengo hitzorduak
  • Ekainaren 1ean, Nafartasuna Europako burujabetza aro berrian solasaldia.
  • Irailaren 22an, Zaintza(k) solasaldia.
  • Urriaren 6an Gatazkaren ondorioak, konponbideranzko euskal bidea solasaldia.
  • Urriaren 12an, mural margotzea.
  • Urriaren 29an Independentzia Eguna.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun