Eroritako ezpondaren goiko aldetik Plazaolako bide-berdea pasatzen da. Ezpondaren beheko aldea, aldiz, NA-170 errepideko harri-lubetaren gainean pausatzen da. Pasa den abenduan, 30 metroko mendi-mazela errepidera erori eta Leitza eta autobidearen arteko pasabidea moztuta gelditu zen hainbat orduz.
Ezpondari pisua kendu eta metalezko sare batekin lurra finkatu
Mendi-mazela egonkortzeko irtenbide posibleen artean, egokiena, ezpondak duen pisua murrizteko materiala kentzea eta higaduraren aurkako sare fin bat jartzea dela pentsatu dute. Hartara, lurrean pikotxekin ainguratutako metalezko sare bat paratuko dute eta, obra horrekin, lur-jausi berri bat saihestuko dela espero dute.
