Osasun larrialdiak eta horren ondorioak «ikuspegi askotatik larriak eta nekagarriak izaten ari direla» dio udalak bere oharrean. Hala ere, udalari orain arte izandako jarrerarekin «koherentziaz jokatzea» eta erabakiak «herritarren osasuna lehenetsiz» hartzea dagokiola berresten du, «batez ere, egoera zaurgarrian dauden pertsonengan koronabirusak izan dezakeen eragina kontuan hartuta».
Egoerak hobera egiten duenean eta baldintzen posible egiten duten bezain laster, «herritar eta eragileekin batera, horrenbeste maite ditugun ospakizunak, pestak eta ekitaldi jendetsuak antolatzen» segituko dutela iragarri du bere oharrean Leitzako udalak.